بعد الرسائل الغامضة.. ماذا قال أحمد العوضي عن خلافه مع محمد عادل إمام؟

 نفى الفنان أحمد العوضي، وجود خلاف بينه وبين صديقه الفنان محمد عادل إمام، بعد جدل الإيرادات وتبادل الرسائل الغامضة بينهما بسبب فيلميهما في السينمات "شمشون ودليلة" و"صقر وكناريا". 

وقال العوضي: "أنا مش مخاصم محمد إمام، محمد أخويا وزميلي ونجم كبير وبحترمه جدًا، وباركتله على فيلمه، عشان محدش يتخيل إن بيني وبينه صراع أو عداوة زي ما كانوا متخيلين في رمضان. إحنا بينا منافسة شريفة، والكلام مش موجه لمحمد، الكلام موجه للجهة اللي بتطلع الإيرادات".

وتابع: "اللي ينزل ينزل.. إحنا بننزل الأرقام الحقيقية والدنيا كلها عارفة إن إحنا اللي متصدرين.. 15 مليون جنيه في أول أسبوعين، إيه اللي بيقولوا عليه؟ ليه بعمل بوجي وطمطم؟ ده أنا لو بعمل بوجي وطمطم هجيب أكتر من كده".

وأضاف: "محمد إمام بينزل اللي بيجيله وأنا كمان بنزل اللي بيجيلي، وأنا برد على اللي بيجيله مش برد على محمد. مين دخل السينمات يوم ماتش مصر والأرجنتين ويوم ماتش مصر واستراليا.. الشوارع كانت متقفلة، ده يوم عيد؟ ده إيراد عيد الفطر.. وإزاي الفيلم يجيب 6 مليون جنيه في اليوم ده؟ الطبيعي إن الفيلم يبدأ عالي وبعد كده ينزل".